2023 шера денз, Шолжа кхале дукхагӏа хулаш боагӀа ДТП човнаш яь нах
Шолжа кхале, 2023 шера денз, совдоалаш доагӀа новкъа лелара бокъонаш лорацаярах наха, цу даькъе водителашта а, човнаш яр, яхаш, дийцар «Сердало» газетага Шолжа-Шахьара администраце зарбан болх лелабечар.
«ДукхагӀа цу юкъе нийслураш ба кагирхой, 18-35 шу даьннараш. ГИБДД беча хоамах, цу тайпара моттигаш нийслуш хилар, наькъа бокъонаш лорацаяр да, цул совгӀа машина чу берий гӀандаш а хилац, иштта корта бохабу малар менна хул цхьабараш. Къона маӀанах ДТП юкъе нийслу, кхоалагӀа дола дакъа царех леш а хул. Пенсионераш кӀезигагӀа нийслу, хӀана аьлча уж кӀезигагӀа лел машинашца»,- аьлар хоамо.
Бокъонаш лораераша яхачох, лоравеш дола тӀехкар леладаро таро лу 45-55 % човнаш кӀезигагӀа хилийта, нах леш йола моттигаш 40-45% кӏезигагӏа. Берий гӀандаша човнаш яр кӏезигду 67%, бераш довр - 71%. Къаьстта теркам тӀабохийт мотоциклашца лелараша тӏатехкача кийнашта, цар керта чов ергйоацаш новкъостал ду 75% болча наха.
