Магӏалбика кхален бахархошца кхетаче хилар сенатора Илезанаькъан Михаила
Магӏалбика кхале кхетаче хилар цига бахача нахаца сенатора Илезанаькъан Михаила. Сенатора яхачох, цу тайпара нахаца кхетаченаш хиларо таро лу цу моттигера хьал дикагӏа довза, наха хетар фуд ха, республике сиха кхоачашде деза хаттараш малагӏаш да гучадаккха.
«Бахархоша белгалдир Магӏалбика кхале хьалхарча аргӏагӏа кхоачашде деза хаттараш, вахара хьалаш тоадара шоашта эшараш. Цар дийцар керда ишколаш, дешара моттигаш хьалъярах, хӏанз йолаш йолча ишколаш цӏенхаштта тоае езарах, балха моттигаш езарах, лорашка дарба дара хьал тоадарах, спортивни оагӏорахьара болх тоабе безарах. Къаьстта дийцар коммунальни боахама балхах. Шахьара, кхален лоархӏаме да бӏеха хиш дӏаухаш йола моттигаш кхоллар. Уж хаттараш керттера терко тӏаяхийта езарех да. Уж доагӏаш долча боахамашца цхьана дӏахо тахка а царна жоп дала а хьожаргба, бахархошца дӏахо цу даькъе бувзам лелабергба», - аьлар Илезанаькъан Михаила «Сердало» газетага.
Тхоца къамаьл даьчо яхачох, цу тайпарча кхетачен чаккхе еш, тӏаэца деза уж хаттараш кхоачашдар, цар толамаш республикан хӏара вахархочун гуш хургдолаш.
