Гӏаьбартой-Балкхарой мехкарча болхлошца бувзам чӏоагӏбеш я мехкара СФР
Гӏаьбартой-Балкхарой мехкарча болхлошцара бувзама моттиг дикка чӏоагӏъеш ба тахан, мехкарча пенсионни ганза оагӏон болхлой. Из хоам «Сердалога» бера цу моттигера.
«Эльбрус-социум» яхача Дешара – болх хьаоттабара моттиге регионашта юкъера кхетаче хинначул тӏехьагӏа, Гӏаьбартой-Балкхарой мехкарча СФР оагӏон кулгал деча Баков Николайца вӏашагӏкхетар дӏадихьар вай республикерча цу оагӏонцарча моттига хьалха латтача Йовлой Зубейрас. Таханарча дийнахьа лоархӏамедараш белгалдир хьакимаша. Вӏаший бувзам лоаттабеш болх дӏабахьарах дийцар цар», - йоах тхога бенача хоамо.
Мехкарча СФР тахан теркалдечох, иштта йола кхетаченаш дикка пайда беш я цхьацца лоархӏаме дола декхараш кхоачашдара тӏехьа.
Хьалхагӏа «Сердало» газетага гӏолла хоам баьбар оаха, Эльбрусски кхале дӏахьоча мехкашта юкъерча кхетаче Йовлой Зубейра дакъа лоацаш хиннав, аьнна.
