Жӏайрахьа кхале кхаьчар «Россе низ»
Жӏайрахьа кхале «Цаӏ йола Росси» яха парти хьаллоацараша «Россе низ» яхача Ерригача Россе спорта боламга гӏолла волейболах дола ловзар дӏадихьар. Тайп-тайпарча ханашка Жӏайрахьа кхален ишколе дийша арабаьннарех латта тоабаш яр гулъеннараш. Тахан уж вахаре шоай цхьацца моттигаш хьалаьца, спорте хиларал совгӏа, мехка партийни, юкъарча вахаре дакъа лоацаш ба.
«Массане дог ураоттадеш ловзар хилар цох. Ловзаш хиннараша дӏагойтар, спорто тайп-тайпарча ханага кхаьча нах вӏашкаозаш хилар. «Россе низ» яха болам санна йола кхетаченаш наха юкъера бувзам чӏоагӏбара тӏехьа эшаш я тахан.
Жӏайрахьарча ишколера арабаьннараша массанена хьагойтар; партийни, юкъарча оагӏонашцара балхаш, спорт вӏаший дувза йиш йолга», - дийцар «Сердалога» «Цаӏ йола Росси» яхача парте моттигерча даькъо.
Волейбола ловзаро юха а чӏоагӏдир, кадай а хьинаре а болча наьха вахаре спорто лоархӏаме моттиг дӏалоацаш хилар, хӏаьта «Россе низ» яха болам хӏара денна дукхагӏа мехкахой шийна юкъеозаш ба.
