«Ишкол 21» оалача моттиго эксперташ блоге гӏолла пайда бе ӏомабергба
Таьрахьашца дегӏаахара академе, говзана хьехамаш дӏахьош эксперташ ӏомабу, блога оагӏорахьара цахаддаш пайда бе. Мах боацаш дола дешар дӏахьоргда саькура бетта 6-ча дийнахьа 17 сахьат 30 минот яьлча, яхаш, дийцар «Сердало» газетага из болх вӏашагӏбеллараша.
«Говзанча хьехам дӏабахьаро таро лургья ӏомабала, блогага гӏолла шоашта ховш дар вӏашагӏдолла. MSӏ system агенство хьакхеллача, 2025 шера хӏама эцара 117 лоархӏаме сесси вӏашагӏъеллача Хоаной Ислама йовзийтаргья интернет-маркетинга балха оагӏув. Цул совгӏа, дешар дӏадахьаро юкъедоаладу хӏама дӏахьоарчаяра хьалаш, цар мах гуш хургболаш, ИИ-маркетинг, иштта кхыдараш», - аьлар хоамо.
Тхога хоам баьчо яхачох, кхетаченах пайда эца йиш йолаш ба говзанчаш, шоай доалахьара хӏама леладераш, хьехам телараш, йохкара оагӏон блогераш.
