Магаса дешархо «Доккха декхараш» яхача Халкъашта юкъерча яхье дакъа лоацаш хилар
«Кванториум» яхача Республикански берий технопарке ӏомалуш вола Албохчанаькъан Зубейр доакъашхо хилар «Доккха декхараш» яхача Халкъашта юкъерча ӏилма- технически проектий яхье, яхаш, дийцар «Сердало» газетага дешара моттиге.
«Цхьан кӏира берригача мехкара начӏал дола дешархой хьахоржача даькъе котбаьннараш, призераш шоай ӏилман-технологически проекташ гойташ бар кхелахошта.
Зубейра хержа оагӏув яр «Хьалхале лелаю хӏама кхоллара технологеш». Инженерни тохкамаш вӏашагӏтохаш дола яхьа керттера цхьа дакъа гойтар цо.
«Цу тайпарча йоккхача яхье гойтар, тохкама инженерни даькъ тӏа ӏомаде вӏаштӏехьадаьннар, иштта профессиональни дегӏавара лоархӏаме оагӏув хилар, хьалхале лелаеча говзанчашца балха говзал эцар дар из. Даькъалавувц Зубейр цу дикача яхье толам баккха таро хиларца! Дӏахо а лакхача коталонга кхача низ кхоачалба!» - аьлар Республикан берий «Кванториум» технопарка кулгалхочо Янданаькъан Салмана.
