Сталинграде фашист вохавеш лаьттарех дийцар вай дешархошта
Сталинграде моастагӏа вохавеш духьале яьча къонгех, царцара лерхӏам боккха хила безилгах дийцар вай дешархошта мехкарча Росгвардейцаша. Из хоам «Сердалога» бир цу моттигера.
«Сталинграде фашист вохаваьча Ден хетаяь кхетаченаш дӏакхухьаш ба мехкарча ишколашка Росгварде болхлой. Тӏема исторе эггара лирагӏа тӏом лаьтта моттиг я Сталинград, котало кхачара наькъ тӏа лоархӏаме моттиг дӏалоацаш хилар къаьстта цу шахьаре вай бӏухоша фашиста ца меттача тайпара духьале яр, цо мел лаьрхӏар дохадар.
«Цхьа гӏа ма баккха тӏехьашкахьа» яхача амарца Гитлер яхача бӏехача адама эскар эшадир советски салташа. Белгалде деза цу юкъе вай къаман дукха бӏухой хиннилга», - дийцар тха газетага.
«Сийлахь-боккхача Даьймехка тӏема исторе дукха дувц Сталинграде эттача туржаӏах. Цига яьча духьален юкъе миллион совгӏа салтий байра совестки эскарера, вай декхар да из истори цӏаккха а диццадар», - белгалдир Магӏалбика кхален ОВО кулгалхо, полице майор волча Циздой Хӏарона.
