Россе дахача дукхача къамий культура лоархӏаш ба дешархой
«Дешархошта - культура» яхача проектага гӏолла «Къамаш дукха да - Даьхе цаӏ» яха кхетаче дӏахьош хилар Пхьилекъонгий-Юртарча № 1 йолча ишколе. Цу кхетаче хьагойтар; мехка барт, цхьоагӏо, машар хилар вай дешархоша хьаллоацилга; царна из лоархӏаме долга. «Йоккхача Россе дахаш дола къамаш шоайла тӏаотташ, цхьанкхеташ хила дезилга белгалдара тӏехьа дӏахьош яр кхетаче. Кхувш латтача къонача тӏехьен вахаре из лоархӏаме да тахан. Хӏара къаман культура ший маӏан долаш, лерхӏам лелабе безаш йолга белгалдир цига», - йоах «Сердалога» Пхьилекъонгий-Юртарча культуран Цӏагӏа.
Программан юкъе чулаьцадар, къамаш дукха хиларга хьежжа цар культураца дувзаденнараш а тайп-тайпара долга, хӏара саг кхыбарашцара барт хьаллоацаш, машаредар хьалхадоахаш хила везилга. Геттара белгала программа яр «аьрзелгаша» гойтар. Доттагӏалах дола кицаш дийцар бераша. Берашта хьалхадаьккхар, Россерча дуккхача къамий метташ, ӏадаташ, оамалаш тайп-тайпара яле а; цхьан Даьхен дезал хинна бартаца баха безилга. Вахаре эггара лоархӏамедар из долга белгалдир кхувш латтарашта.
