ГӏалгӀайчен дешархошта дика гӏирсаш оттадергда; кхоллама, Ӏилман болх лелабара
ГӏалгӀайчен дешархой хьалхарчарех хургба укх заман кхоллама даькъ тӀа дегӀаахара гӏирсаш долаш, яхаш, дийцар «Сердало» газетага ГӀР Кулгалхочун зарбан болх лелабераша.
Из болх дӀахьош ба «Кагирхойи бераши» яхача къаман проектах, из могаяьй Россе Президента Путин Владимира. 2026 шера федеральни хьаллацар дӀакхоачаргда ашарий, физика, исбахьален искусствай кабинеташка.
«Вай республике кийчон болх дӏаболабаьб. Программа юкъейоагӀаш я 108 ишкол, къаьстта бола болх дӀахьу цу даькъ тӀа гӏирсаш, техника кабинеташка оттаеш. ХьалхагӀа, къаман проекта чудоагӀаш, кхерамзлен, Даьхе лораяра кӀийлен, технологей кабинеташ кийчйир 147 ишколе», - аьлар мехка кулгалхочо Келаматанаькъан Махьмуд-Ӏаьлас.
Цо белгалдир ашарий, физика, исбахьален искусствай урокаш; берий чам, уйла, чура культура хилийтара лоархӀаме хилар.
Паччахьалкхено цу даькъ тӀа доккха дакъа лоац. Цу тайпара, Ӏалашо ю ГӏалгӀайчен кхувш йоагӀа тӀехье дика дегӀаяра, цун тахан йоккхий таронаш я ший кхоллама оагӀув йоаржае.
