Федеральни казанчий моттиге баха хилар вай мехкара дешархой
Вай мехкара цхьацца болх дӏахьош йолча моттигашка экскурсеш еш йола «ПРОМ-тур» яха проект я тахан дӏахьош. Федеральни казанчий моттига болхлошца кхетаче хилар дешархой укх наькъа. «Кагирхойи бераши» яхача къаман проектацара болх ба ала деза цох.
«Сердалога» бенача хоамах, цу оагӏон болхлошта тӏалаттараш малагӏа декхараш да, балхацара эггара лоархӏамедараш малагӏаш да довзаш хилар къонабараш.
Дешархой хӏара хаттар доашхаш, казанчаша дийцар шоаш дӏахьоча гӏулакхаца нийслуча цхьаццадарех, из гӏулакх лакха терко, тӏахьожам беш дӏадахьа дезаш хиларах.
Белгалде деза, иштта йола экскурсеш къонача тӏехьенца дӏакхахьар чӏоагӏа лоархӏаме долга, хӏана аьлча берий дукха хӏама довза аьттув хул. Цул совгӏа, кхоана кхийна баьнна дӏаэттача, вахаре шоашта накъадаргдола гӏулакх хоржача наькъ тӏа а эшаш хургда царна тахан дайзараш.
