Гӏалгӏайчен дешархоша дакъа лоацаргда, «Йилла ха йоацаш» яхача яхье
Гӏалгӏай мехка дӏахьоргба, Ерригроссийски, «Йилла ха йоацаш» яхача тохкама проектий яхьий моттигера бӏал. Кхетаче тӏахьехаш я, машаре даьха советски халкъ хӏалакдеш, Сийлахь-боккха Даьймехка тӏом лаьттача ханара исторически дагалоаттам лелабара.
«Яхь дӏахьош хилара керттера бахьан да - тӏом лаьттача шерашкара исторе оагӏонаш кхувш йоагӏача тӏехьенна дикагӏа йовзийтар. Цига дакъа лоацарий таро хургья вай мехка исторически оагӏонаш, архивни материалашца беш бола болх дикагӏа бовза, из дегӏабоалабе, исторически даькъ тӏарча оагӏонашта нийса мах оттабе, шоай проекта балхаш дикагӏа довза, уж нийса оттаде, цар толамаш гойта», - аьлар «Сердало» газетага дешара, ӏилман Министерстве.
Моттигерча яхьа даькъ тӏа котало яьккхарий таро хургья федеральни яхье дакъа лаца, цига гуллургба Россера дикагӏа бола къона тохкамхой. Из дика таро я, шийна ховш дар гойтарал совгӏа, Сийлахь-боккхача Даьймехка тӏема исторически бакъдар лораде.
