Гӏалгӏайчен дешархой хьежар, «Аравала лархӏа!» яхача йоазон балхах шоашта фу хов
Магасерча «Кванториум» яхача технопарке йоаржайир «Аравала лархӏа!» яха йоазон болх бара оагӏув. Цига вӏашагӏкхийтар Гӏалгӏайчен 7-10-ча классашкара бӏаьш совгӏа дешархой. Уж хьежар ялх даькъ тӏа лаьтта хаттараш шоашта кхоачашде могаргдий. Математикан, физикан, химе, биологе, информатикан, астрономе ӏилмаех хаттараш дар цига дашха дезаш хиннараш. Дешархошта из дика таро яр шоаш ӏомадаьр довза, бокъонца дола ӏилмай декхараш кердача оагӏорахьа кхоачашде.
«Аравала лархӏа!» яха болх дӏахьош ба хӏанз бархӏазлагӏа, цо вӏашагӏтох студенташ, иштта ӏилма довза безам бараш. Укх наькъа проекте дакъа лоацаш бар Россе 85 моттигера доакъашхой. Еррига цу гӏулакха вӏашагӏъехка майдаш яр 1,2 эзар, хӏаьта доакъашхой 100 эзар саг совгӏа хилар. Карарча шера йоазон болх дӏабихьар ӏилман, технологей итт шу дузаш. «Кванториума» из болх дӏабахьар ӏадат хинна дӏаэттад, технопарк укх наькъа а цига дакъа лоацаш яр», - аьлар «Сердало» газетага Гӏалгӏайчен Паччахьалкхене.
Из болх вӏашагӏбеллараша лаьрхӏар дикагӏа толам баьккхача доакъашхошта совгӏаташ де. Балха чаккхенга хьежачул тӏехьагӏа, цун электронни кепара сертификат дӏадохьийтаргда. Цу каьхата тӏа хургда даьха баллаш мел да, малагӏа ишкол я, кхыча доакъашхошта юкъе цо малагӏа моттиг яьккхай. Шоай академически толамаш чӏоагӏдеш, дӏахьокха йиш я толамий сертификаташ.
