«Са Росси - Пётра гӏала» яхача проекта доакъашхой ба вай мехкара дешархой
Вай мехкарча кадетски корпуса доакъашхой, Магасерча «Марем» гимназера дешархой «Са Росси – Пётра гӏала» яхача программага гӏолла, кхаь дийнахьа Санкт-Петербурге гӏолла гобоаккхаш хилар. Эрмитажагара, Петропавловски гӏалагара, Петергофагара, Керттерча тӏема-музейгара ӏоболабенна; дукха хӏама бӏаргадайра вай кагирхошта цу юкъа.
«Сердалога» мехкарча Паччахьалкхера бенача хоамах, цу гӏулакха хьалхаэттараша къаьстта терко йир Петровски бӏаьшерен, Нева тӏа улла шахьар хьакхоллара исторена.
Российски истори довза, цу оагӏонца лоархӏаме йолча моттигех бӏаргтоха аьттув бар берий. «Петровски аквотори» яхача музей-макетага, Российски этнографически музейга хьежар уж.
Культуран оагӏонцарча гӏулакхех йолча Министерство «Дезалера лоархӏамедараш, культураца дувзаденнараш» яхача федеральни программан «Дезал» яхача къаман проектага гӏолла дӏахьош болх ба из.
