Илдарха-Гӏалий тӏара дешархой «колумбайнах», «скулшутингах» лорабеш болх лоаттабу
19.05.2026 09:36
«Колумбайн», «скулшутинг» (ишколашка дуккха нах боабар) яхача харцача гӏулакхех бераш лорадеш болх дӏабихьар Илдарха-Гӏалий тӏарча ишколе. ӏаьдала болхлоша дакъа лоацаш кхетаче яр из.
«Къонабарашца къамаьл де аьнна ишколе баьхкабар шахьара администраце, бокъоний моттигерча гуллама, терроризма духьале лоаттаеча комиссен, кагирхой кхела, МВД болхлой.
Берашта хьалхадаьккхар, зуламхоша интернета оагӏонашка гӏолла тахан доаржадеш дола цхьаккха хӏама хьаллаца йиш йоацилга, нах кегабе гӏертарашца бувзам лелабе йиш цахилар, моллагӏа тешаме ца хета хӏама зийча ӏалаьмате чехка ӏаьдала болхлошка хоам бе безилга.
Зуламхоша доаржадеча наькъех лоравалар мишта хила деза белгалдир берашта», - дийцар тха газетага цу моттигера.
