Вахар хаьда бокъонаш лораераш дагалаьцар мехкарча МВД тохкамхоша
РФ тохкама комитет хьакхелла 15 шу дизара хетаяьча лоархӏамеча кхетаче дакъа лоацаш хилар вай мехкарча тохкама оагӏонцара бокъонаш лораераш, цар кулгалхой. Балха декхараш кхоачашдеча вахар хаьдараш дагалаьцар цар. «Сердалога» из хоам бера цу моттигера.
«Кхетаче гулбеннача тохкамхоша, цар кулгалхочо Асхабов Ахьмада доккхача дешашца дагалаьцар шоай декхараш дизза кхоачашдеш, деналца, яхь йолаш болх дӏахьош лаьтта, тахан вайна юкъе боацараш.
Вай дегашта цӏаккха а бицбала йиш йоаца нах ба уж! Маьрша вахар лорадеш, нийсхо оттаяра тӏехьа къахьегаш лаьттараша мел даьр, хам баь варгвоацаш да», - йоах тхогарча хоамо.
Даьхен, къаман хьалхашкара шоай декхараш бехктокхаме дӏахьош хиннараш беза ба тохкамхой массаза санна. Деналах бизза хиннача цар дика гӏулакхаш дагалаьцар новкъосташа. Белгалде деза, Тохкама комитета болхлой шоай гӏулакх дизза дӏахьош, бахархой кхерамзлен хьал лорадеш хьабоагӏилга.
