Цхьан кӏира бахархошкара 5400 дехар тӏаийцар «Служба 112»
26.02.2026 10:35
Нахаца бувзам лоаттабеча ГКУ «Служба 112» яхача моттиго цхьан кӏира бахархошкара гӏо дехаш 5400 дехар тӏаийцар. Из хоам «Сердалога» бера цу моттигера.
«Цхьацца оагӏонца гӏо дар дехаш болча бахархошца 19.02.26 денгара 26.02.26 денга кхоачаш дӏабихьа болх ба из. Бахархошкара мел хинна хатараш тохкаш, кхыча цу оагӏонцарча моттигашка дӏакхоачийташ къахьийгад цига багӏараша», - дийцар мехкарча МЧС болхлоша.
Бахархошта хьалхадоаккх, моллагӏа хатар хилча оарц деха деза Цаӏ йола гӏо дерий телефон «112» йолга. Моллагӏча хана цу номерах телефон дӏатехача, де дезар хьалхадоаккхаргда цу оагӏонцарча болхлоша.
