Алхастерча дешархошка терроризм яхача зуламах дийцар
Терроризм яхача доккхача, бӏехача зуламах дувцаш кхетаче дӏайихьар Алхастерча дешархошца.Культуран Цӏен болхлоша хьехархошца цхьана дӏахьош болх бар из, къона тӏехье воча хӏамах лорае дагахьа. «Загӏенаькъан Адама дешархошта дийцар «терроризм» яхача зуламо сага ираз доаделга, адам халчаоттаделга. Интернета оагӏонашка из бӏеха гӏулакх доаржаде гӏертача зуламхоех мишта лоравала веза белгалдир цига.
Тӏема гӏулакх хьехаш волча Гӏаппархой Руслана дийцар, моллагӏа тешаме доаца хӏама зийча; ма хулла сихагӏа ӏаьдалга хоам бе беза, яхаш.
Белгалде деза, иштта йола кхетаченаш къонабарашца дӏакхахьар тахан лоархӏаме долга», - дийцар «Сердалога» цу моттигера. Бераша боккха пайда ийцар цу кхетаченах. Интернета оагӏонашка къонабарий сакхетам тувлбе гӏертача зуламхошка ладувгӏа, царца цхьаккха тайпара бувзам лелабе йиш йоацилга хьалхадаьккхар боккхийчар.
