Наькъ тӏа хиннача хатаре, лозадаьча берий хьал кхераме дац
05.12.2025 10:56
Машинашца хиннача хатаре лозадаь диъ бери цар хьехархои ӏочубигар республикан берий дарбанче. Карарча хана цар унахцӏенон кхераме хӏама дац. «Сердалога» из хоам бир цу оагӏонцарча министерствон зарбан болх лелабераша.
Магасе дӏачуоттача хиннад из хатар. Ишколера «газель» зӏамига автобуси «Нива» яха машини вӏашкакхийттай. Зӏамига автобус цхьан оагӏорахьа дӏаежай.
Хьехархо дӏахо дарба де ИРКБ дӏайигай, хӏаьта бераш ДРКБ дисад. Унахцӏенон гӏулакхех йолча Министерствос тӏахьожам беш да из гӏулакх.
