Гӏалгӏайчен МКЖР болхлоша, Эккажкъонгий-Юртарча ишкола берашта, музея дуне довзийтар
11.11.2026 14:44
Гӏалгӏайчен къам мехкахдаккхара мемориала музея болхлоша дӏахо дӏахьу, «Дешархошта культурах» яхача ерригроссийски проекта чудоагӏаш, аргӏанара кхетам балара вӏашагӏкхетараш. Цу тайпара, Эккажкъонгий-Юртарча «Интеллект» яхача юкъерча ишкола 4-ча классе дагӏача берашца дӏайихьар «Культпоход» (1-4 классай дешархошта йола «Музея дунен» кеп йовзийтара кхетаче).
Экскурси, цун чубоагӏа болх къонача хьаьшашца дӏахьош яр Таренаькъан Люба. Бераш кхетаргдолчча беса, цо йовзийтар гойтама залашка лелаю бокъонаш, иштта цар исторически тӏехьале лорае новкъостал деш хиларах дийцар.
