МКЖР болхлоша Тӏой-Юрта «Вай бакъдар» яха музея урок дӏайихьар
Тӏой-Юртарча №1 йолча ишкола дешархой болча баха хилар, Гӏалгӏайчен къам мехкахдаккхара дагалоаттама Мемориала болхлой. «Вай бакъдар» яха музея урок дӏайихьар цар цу дешара моттиге, из хетаяь яр дӏаяхача ханашка хиннача турпалхошкара тахан лаьрххӏача тӏема операце декхар кхоачашдеш латтача бӏухошка кхаччалца болча Даьхен бӏухой денала.
«Вай бакъдар» яхача музея урока керттера маӏан - дешархошта бовзийтар Даьхенцара безам. Берашта хьалхашка къамаьл деш, Мемориала комплексе экскурси еш болча наха белгалдир, Росси массаза цӏихеза хиннай, шеко йоацаш, мохк лорабе кийча бола нах хиларца. Из да вай дегӏацара дӏакъасташ доаца денал. Тахан вайна гуш да даьй Сийлахь-боккха тӏом болаш мишта лаьттар моастагӏчунна духьала», - аьлар «Сердало» газетага Гӏалгӏайчен МКЖР.
Хӏара дешархочунна истори дикагӏа довзаргдолаш, лекци дӏахьош гойтам а юкъебаьккхар. Къаьстта дешархоша терко тӏаяхийтар СВО доакъашхой сурташта, царна еннача Россе Турпал яхача лакхача цӏера. Дукха ха йоацаш укх парташ тӏа баьгӏа, тахан машара тӏехьаэтта, доккха тӏема гӏулакх карагӏдоалаш болча бӏухошка хьежаш, дешархошта хоаделар, Даьхен хьалхашка шоаш мел декхарийла ба.
Цхьаькха тема яр – мехка бахархой цхьоагӏо. Цига дийцар, тахан СВО бӏухой юкъарлоно хьаллацар мел лоархӏаме да. Хӏара дешархочун каьхат, хӏара посылка е духхьал бӏухочох аьнна дика дош - из да уж хьаллацара дола доккха новкъостал, царна низ лу цу дешо тӏема мугӏарашка латта.
Дийна къамаьл хиларо, масалаш гойтаро ӏомаду берашта керттердар: турпалал ха йолаш дац, хӏаьта Даьхе лораяр - из лакхара сий, хӏара сага декхар да.
