СФР оагӏонцарча болхлоша терко лоаттаю, дегӏа могашал эшаеннача берашта
Дегӏа могашал эшаенна долча берашта терко лоаттае хьож Россе СФР республикера болхлой. Халкъашта юкъера заӏапхой Ди хьаллоацаш, берий дегаш хьаста лаьрхӏар цар. «Сердалога» из хоам цу моттигера бир.
«Мехкарча Вахара ганза оагӏон кулгалхочо берашта совгӏаташ, зизаш, мерзача даарех дизза дола тускараш делар. Цу гӏулакхо хьагойт, дегӏа могашал эшаеннача бера дог хьастар, из дог ийша цахилийтар мел лоархӏаме да. Иштта дола бераш леладеча даьшта, ноаношта могаш дола гӏо де хьожаргба ӏаьдала моттигашка», - дийцар тха газетага. Дахкилганаькъан Руслан Магасе вахар, Кхоартой ӏаддал волча.
Ший дегӏаца хала лазар дале а, массадолча хӏаманца сакъердалуш, дакъа лаца хьожаш хул из. ӏажанаькъан дезале яха хилар, мерза совгӏаташ ийца, Дербичанаькъан Мадина а. Йиӏига деналах тамаш еш яр из, цунца къамаьл дича.
СФР болхлой, эшаш долча хӏаманца санна; хозача, дог тедеча дешаца а, дегӏа могашал эшаеннача берий оагӏув хьаллацарца а, иштта долча бера дог ураоттаде, низ чуболлийта гӏерт тахан.
