Мехкарча РДНТ болхлой къахьегама шоатта дӏадахьа арабаьлар
Бӏаьстен денош хьаоттарца, мехкарча моттигашка лостам бе арабувлаш ба республике. Къаман кхоллама Цӏен болхлоша а хьаллаьцар из беркате гӏулакх. «Культуран цӏенол лораяргара дӏадолалуш да, уйлаш санна цӏена хила деза гӏулакхаш а, вайна гонахьара моттигаш а», - дийцар «Сердалога» къахьегама шоатта дӏахьош хиннараша.
Культуран оагӏонца къахьегарашта геттара лоархӏаме да иштта бола болам хьаллацар, кхыбараш цу гӏулакха тӏахьехар.
Лостам бе эшаш йола хӏамаш кийчъяь арабаьлар уж, йокъаенна йоархӏаш дӏайоахаш, баьш цӏендеш, наькъашкара нувхаш хьагулъеш къахьега.
Моллагӏа хӏама а сакъердалуш хьаде йиш я берригаш цхьана, хоза барттайна арабаьлча. Массайола моттигаш хоза кулг теха, лостам баь сийрдъяьлар.
РДНТ болхлоша геттара раьза болаш хьаллаьцар из бӏаьстенцара болам. Дега геттара тоам беш да ше къахьегаш йолча моттиге дог лазаш дӏаэтта куц тоадар, цхьалхало яр.
