Къоаной Кхело тӏахьех, гӏалай моттига дош машарца къоастадара
Гӏалгӏай Республикан чуйоагӏаш йолча Къоаной Кхело кхайкарал дир Коазой, Тӏумхой тайпашка, гӏалай моттигаца дувзаденна дош диканца чакхдаккха хьажара уж тӏахьехаш. Цох дувц Кхела кхайкарал тӏа.
Каьхата тӏа белгалду, шоайла бартаца къамаьл хилар лоархӏаме долга. Къоаноша яхачох, цхьанне шоллагӏча оагӏонга ладувгӏа деза, наха дувца къамаьлаш теркал а ца деш. «Нийса мах оттабаьча наькъага гӏолла мара из кхоачашде хьашт дац», - йоах кхайкарало.
Къоаной Кхело къаьстта кхайкарал дир кагирхошка, юкъарлон цхьоагӏо, тайпашта юкъера барт ца бохабеш хилара уж тӏахьехаш. «Республикан хургдар вайх хӏаранех тийша да», - йоах кхайкарало.
Кхел тешаш я, къоаной хьаькъал, даьй ӏадаташ лорадеш хиларо, шоайла къамаьл даро юкъе этта цатоам дӏабоаккхаргхиларах, республикан цхьоагӏо, машар лорабергхиларах.
