«Кхетам» яхача оагӏон съезде дакъа лаьцар вай Мехкадаь гӏончас
Вай мехкадаь гӏонча волча Фурсов Олега «Кхетам» яхача Российски оагӏон съезде дакъа лаьцар. Из хоам «Сердалога» бир Паччахьалкхен зарбан болх лелабераша.
«Росси» яхача Къман моттиге хилар РФ ерригача моттигашкара лектораш, говзанчаш, иштта кхыбола лоархӏаме болхлой гулбенна йола кхетаче. РФ Президента Администраце Кулгалхочун Хьалхара гӏонча, «Кхетам» яхача оагӏон Тӏахьожама кхела кулгал деча Кириенко Сергейс РФ Президентагара Путин Владимиргара каьхат ӏодийшар цига.
«Гӏалгӏай республикан культураца, иштта кхыйолча моттигашца дувзаденнараш чӏоагӏдара тӏехьа лоархӏаме гӏулакх да из. Кагирхошца болх лоаттабара, лекцеш еша моттигаш йоржаяра, тайп-тайпара болхлой юкъелацара тӏехьа терко лоаттаю оаха тахан», - белгалдир Фурсов Олега цу оагӏонцарча гӏулакхех дувцаш.
Кхетама хьал лакха дараш гулбеннача кхетаче доал де керда болхлой хержар, керттера дола декхараш къоастадир, цу оагӏонца толам баьккхараш белгалбир.
