Вай мехко, Запорожски областаца цхьана, «Гранташ яхара болх» дӏахьоргба
Укх бетта 27-ча дийнахьа Магасе дӏахьоргья Гӏалгӏай Республикан, Запорожски областа «Гранташ яхар: лаьрхӏачунгара кхоачашхиларга кхачар» яха онлайн-кхетаче. Вахара оагӏонцарча проекташца болх дӏаболабеш барашта лаьрхӏа кхетаче я из. «Сердалога» из хоам бир цу гӏулакха хьалхаэттараша.
Виъ спикера йовзийтаргья Запорожски область. «Печенькаш, Булгаков, рок-н-ролл» яха проект йовзийтаргья Мозговой Никитас. Рыбалка Владимира йовзийтаргья «Нейросетий хӏара деннара Ишкол» яха таьрахьашца дувзаденнарий технологей проект, ше баь болх.
«Гӏо деш барий тоаба. Ноахала тӏехьале» яха болх бовзийташ хургья Гаврилова Анна. Истори лорадарах йола «Дагалоаттама оагӏонаш» яха болх бовзийтаргба Золотова Анастасияс. Вай мехкара Гӏалменаькъан Саӏид кхувш латтарашцарча балхах йола «Киберспорт- къовсаеннай ловзарашца» яха болх боаржабеш хургва шоллагӏа спикер Цӏечой Исроапил. Экологен хӏама хьаллацарах йола «ЭкоПатриот» яхача проектах дувцаргда цо. «Гуш дола дувцар: «Гӏалгӏай тӏехьале» яха къаман культурацара болх бовзийтаргба Гӏулой Аминас. Из дешара кхетаче хьаллаца йиш йолаш ва моллагӏа. Кагирхой цхьанкхетарий Цӏагӏа 15сахьат 30 минот яьлчат йолалургья из моттиг.
