Шолжа кхален хьун хьал тохкаш хилар мехка
Бокъо йоацаш гаьнаш тийда моттиг йий хьожаш, болх дӏахьош хилар Шолжа кхален хьун боахаме. Из хоам «Сердалога» бера ӏалама гӏулакхех йолча Министерствон болхлошкара.
«Мужечен, Оалкама, Даьттагӏен моттигашка хьун боахама зе даь болх бий тахка арабаьлар цу гӏулакхах бехктокхамебараш. Хьун боахама кулгал деча Гӏулой ӏадсалама, цун гӏонча волча Могушканаькъан Адама тӏахьожам беш дӏабихьар из лоархӏаме болх. Даьла къахетамца, бокъо йоацаш хьун боахама зе даь моттигаш хояланзар хьун доазонашка», - дийцар цу оагӏонцарча министерстве.
Иштта бола болх хӏара денна дӏакхухьаш латт вай мехкарча хьунашка. Иштта, Шолжа кхален хьун боахама кулгалхочо тӏадилла, мехкарча хьун моттигашта зе де йиш цахиларах, хьун хьал лорадар вай массане юкъара декхар долга хьалхадоаккхаш, къамаьл дир цигарча бахархошца.
Массане кхетаде деза, бокъо йоацаш хьунагӏара гаьнаш тедарах, оттаяьча бокъонга хьежжа, гӏод тохаргдолга.
