Гӏалгӏайчен нах кӏалхарбоахараш Шолжа кхале лахара болх дӏахьош ба
21.07.2026 22:26
Тахан ӏуйрийна 112 номер йолча ха тӏа, Шолжа кхален Оалкама гаьна доацаш, сиха доагӏача Эса хи чу ши маӏа саг вейна хиларах бола сиха хоам кхаьчар, яхаш, дувц Гӏалгӏайче гӏолла йолча Россе МЧСа «Сердало» газетага.
«Цига лахара-кӏалхарваккхара «Эрше» яхача тоабанцара 10 саг, ши техника дӏаяхар», - аьлар тхоца къамаьл даьчо. Кӏалхарваккхара болх дӏахьош, Гӏажарий-Юрта йистте, моттигерча бахархошта бӏарга а вайна, хьалваьккхар венна 68 шу даьнна маӏа саг. Шоллагӏвар мичав ховш вац.
