Гӏалгӏайчен хатарех нах кӏалхарбоахараша дакъа лоац Пермерча яхьашка
Гӏалгӏайчен викалаш дакъа лоацаш ба «Россе МЧС хатарех нах кӏалхарбоаха дикагӏа йола тоаба» яхача яхьашка. Уж дӏахьош я Пермь яхача шахьаре.
«Россе МЧСа Гӏалгӏайчен лахара-кӏалхарваккхара тоаба я мехка 12-на юкъе цига дакъа лоацаш, ше дикагӏчарех хилар гойта дезаш. Сиха болх бар, барт болаш хилар гойташ, боккъонца долча хьалашка шоаш болх мишта бу довзийта дезаш ба уж: машинашцара хьал нийсдар, тӏера тхов хоадабаь хьалъэцар, чура лозабаь нах арабахар, царна хьалхара лорий новкъостал дар, иштта автомобиль лотаялалехь цӏи ца ялийта хьажар - из деррига яхьашка хьадеш къовсалу уж, - аьлар Гӏалгӏай Республике гӏолла йолча Россе МЧС Керттерча Урхаллене.
Белгалду, хьалхагӏа «Сердало» газето яздаьдар, Россе МЧСа 35 шу дизара хетаяь, цӏерах кӏалхарваккхара спортах йола Хьалхале дӏайихьай, аьнна.
