Доккха хатар хилча бе беза болх шаьрбеш хилар МЧС болхлой
«Аьрзи» яхача МЧС тоабо дакъа лоацаш бола болх дӏахьош хилар, Р-217 «Кавказ» яхача федеральни наькъ тӏа. Доккха хатар ийккхача мишта хьовза беза шаьрдеш бар сиха оарцагӏъухараш.
«Оттаяьча сценарех, федеральни наькъ тӏа арара хаоттам дика цахиларах массехк машин вӏашкакхеташ хатар эттад. 15 саг лозаваь, 5 сага вахар хадаш оттадаьд. Мехкарча РСЧС оагӏон болхлой ба цига тӏаэзараш. Гӏо де боагӏараш сихагӏа хьатӏакхоачаргболаш, доазув чулаьца латт полици болхлой. Хьалхара гӏо даь, лорашка дӏабелар «Аьрзи» тоабо лозабаьраш», - дийцар «Сердалога» мехкарча МЧС.
Иштта йола кхетаченаш дӏакхухьаш, шоай балхаца дувзаденнараш дикка шаьрдеш ба «Аьрзи» тоабон болхлой. Моллагӏа хӏама дагадоацача хана нийсделча, кийча хила безача царна чӏоагӏа лоархӏаме да из.
