Мехкара тока хьал лорадеш ба «Ингушэнерго» болхлой
Геттара чӏоагӏа догӏаш латтарах, цхьацца тока оагӏон моттигашка хинна хатар меттадоаладеш, хьийзар цу оагӏонцара болхлой. Ворхӏ тоабан 20 саг ва ди, бийса ца къовсаш болх дӏахьораш. Хаоттам хувцабенна болх хилча, тока моттигий хьалага хьож уж.
35 Кв йолча тока оагӏонца болх дӏахьош хилар уж укх деношка. Шолжа кхален ийс моттигера нах ток йоацаш бисабар. Даьла къахетамца, деррига дика чакхдаьлар, тока болх боаггӏача боараме меттаоттабир. Цу моттигашта юхера кхерамзлен хьал лорадара тӏехьа къахьег цу оагӏонцарча болхлоша.
Тока саьргаш хаьдача доазонна 8 метр гаьна хила веза, цул совгӏа цу оагӏонцарча болхлоша мара тока хьал меттаоттадеш болх бе йиш яц цига. Моллагӏа цу тайпара хатар хилча, болхлошка хоам бе беза. Цу гӏулакха «Россетий» компане даим болх беш йола телефон тоха еза: 8-800-220-0-220; 220 – мобильни телефона тӏара (телефон тохар мах бала безаш дац).
