Гурахьа ялат дӏадувча 1000 гектар лаьттан хьалага хьожаш хилар Россельхозмоттига болхлой
1000 гектарага кхоачаш долча гурахьа ялат дӏадувча лаьттан хьалага хьажа арабаьлар мехкарча «ФГБУ Россельхозмоттига филиала болхлой». ООО «Беркат», ООО «Магӏалбик», СПК «Даби-Юрт» яхача боахамашка хьожаш хилар уж. Дӏадийнача кӏин зе хургдолаш хӏама дий техкар цар.
«Дӏабихьача тохкама балхо гучадаьккхар кӏа дӏаде лаьрхӏача оахамашка зе деш йолча «черепашкай» фашкарг йолга, иштта «ялата неца» септариоз, «мучнисти тхир», дехкий лийна моттигаш йолга а белгалдир болх дӏахьош хиннараша.
Таханарча дийнахьа, ялата кхы башха кхерам беш хӏама дац из, деце а тӏаьда, йӏовхал айенна денош латтача хана; къаьстта лакха терко, тӏахьожам беш, ялата кхаш лорадеш хила, аьнна, хьалхадаьккхар доал деш барашта; хӏана аьлча ялата хьал дагадоацача хана хувцадала йиш я», - дийцар «Сердалога» мехкарча Паччахьалкхено.
Тӏахьожама болх дӏахо дӏахьоргба ялата моттигашка. Боаггӏача боараме терко лоаттаяр, ханнахьа болх чакхбоаккхаш хилар, чӏоагӏа лоархӏаме да ялата хьал дика хилара.
