«Цӏе кийнг» яха спектакль езаеннай берашта
21.01.2026 09:25
Наьсарерча «Скандинавера бераш» оалача берий беша боагӏаргба кхоана берий театра актёраш Курскенаькъан Римма, Цхьорой Азамат. «Цӏе кийнг» яха спектакль кийчъяьй цар царна гойта. Перро Ш. балхах режиссёра Домбровски В. вӏашагӏъелла спектакль берашта езаеннарех я.
«Къизача берза духьалъэтта майра, денал дола йиӏиг, цун хьун хьаьший ба цо бувцараш. Бераш шоаш сцена тӏа арадувлаш, дӏайода спектакль», - дийцар «Сердалога» ТЮЗа болхлоша.
«Цӏе кийнг» яхача фаьлгага гӏолла берашта дукха хӏама довзийта йиш я. Къизал массанена цхьана йохалургйолга белгалдеш я спектакль. Эггара йоккхагӏа йола къизал а низ боацаш юс, берригаш барт кхеташ хилча.
