ГӏР, КЧР парламентий кулгалхой вӏашагӏкхетар хилар
Гӏалгӏайчен, Къарший-Черсий парламентий кулгалхой вӏашагӏкхийтар лаьрххӏа балхаца дувзадаь а доацаш. КЧР законаш хьакхолларий кулгалхо Иванов Александр, цунна чуйоагӏача комитета кулгалхо Умалатов Владимир баьхкар ГӏР Халкъа Гуллама кулгалхо Гаьгенаькъан Руслан волча.
Иванов Александра кердача балха тӏа даькъалавийцар Гаьгенаькъан Руслан, цо белгалдир, ший къаман хьашташ цо кхоачашдар дика тӏаийца хилар. Хьаьшо ловца баьккхар, законаш тӏаэцача даькъ тӏа толамаш даха аьттув хилар ловш, республикан бахархошта, республикан дегӏайоалаяра уж накъадаларга сатувсаш долча дешашца.
Гаьгенаькъан Руслана баркал аьлар КЧР баьхкача викалашта. Цо яхачох, уж вайцига баьхка хиларо хьагойт; вӏаший дика доттагӏал хилар, ши республика шоайла бувзам лелабе, лоархӏаме хаттараш кхоачашде, балха говзал екъа, цхьана болх бе кийча хилар.
