«ШОАЙчарна йола футбол» яха яхь дӏайихьар Илдарха-Гӏалий тӏа
Гӏалгӏай Республикан «Даьхен лорабой» ганза филиало, Илдарха-Гӏалий тӏа дӏайихьар «ШОАЙчарна йола футбол» яха яхь, яхаш, дийцар цу моттигера.
«Из дӏахьош, Заьганаькъан И. цӏерагӏча стадиона тӏа лаьрххӏача операцен доакъашхой бераша гойтар, шоашта мишта ловза хов. Царна таро елар, безаме ловзар дӏахьош, шоай начӏал довзийта. Футболисташа гойтар дика ловзар, котало яккхара мел боккха лоӏам хила беза, спортивни говзал», - аьлар хоамо.
Зӏамига турнир вӏашагӏъеллар СВО доакъашхой бераш вахара хьалашка дахара, цар могашал хургйолаш, дезалера мах бараш чӏоагӏдара.
«Ганза цу тайпара болх дӏахьу каст-каста. Спортаца чӏоагӏлу берашта деш дола новкъостал, царцара бувзам, цо таро лу шоай мехках доаккхал деш уж хилийта», - аьлар «Даьхен лорабой» ганза филиала вахара оагӏонцара болх лелабеча Темарханаькъан Ӏийсас.
