Заӏапхой тхэквондох йолча Россе Чемпионате белгалваьлар вай мехкахо
23.12.2025 09:27
Тхэквондох йолча Россе Чемпионате, дото майдилг йоаккхаш, белгалваьлар вай мехкара спортсмен Яхьяр Билал. Из хоам «Сердалога» бир республикерча спорта гӏулакхех йолча министерствера.
«Мехка 17 моттигера 70 совгӏа атлет вар Нальчике гулвенна хиннар. 10 оагӏонцарча дозалах латташ яр яхьаш. 80 кийлах латтача дозалах, дото майдилг йоаккхаш, шоллагӏча лагӏа тӏа вала аьттув баьлар вай мехкахочун Яхьяр Билала.
Къамурзой Ахьмада хьийха волча спортсмена аьттув хургба дунен Чемпионате дакъа лаца.
