Тхэквондох йолча США йийллача яхьашка белгалваьлар вай спортсмен
09.03.2026 07:55
G-2 яхача даькъерча США йийллача чемпионате - халкъашта юкъерча яхье шоллагӏа моттиг йоаккхаш, белгалваьлар вай мехкахо Яхьяевгӏар Билал. «Сердалога» из хоам бера спорта гӏулакхех йолча министерствон зарбан болх лелабеш йолча Гӏаппархой Аишайгара.
«Укх бетта 4-ча денгара 6-ча денга кхаччалца, шоай говзал гойта вӏашагӏкхийтар дерригача дунен тӏара толашагӏа бола дзюдоисташ Лас-Вегас яхача шахьаре. Кхаь латара юкъе ше дӏагойташ хилар Билал.
Бразилерча, Туркий мехкарча спортсменел котваьлар из, бакъда американцаца латача хана ши гӏалат теркалдир цун латарца, из бахьан долаш дото майдилг елар цунна», - дийцар тха газетага. Дунен яхьашка дакъа лаца йиш йола спортсмен из волга теркалдир цига.
