ГӏалгӀайчен спортсменаша дика толам баьккхар джиу джутсах йолча дунен Чемпионате
Бразильски джиу джутса шин тайпах дунен чемпионат хилар Санкт-Петербургеи Дона-тӏарча-Ростовеи. ГӏалгӀайчен спортсменаша дика кийчо яь хилар гойтар шиннахьа а.
Кхоартой Беслана хьехаш болча спортсменаша лакхара моттигаш яьхар: Маценаькъан Анарбика йиъ хьалхара моттиг яьккхар тайп-тайпарча дозалех, Боранаькъан Асхьаба, Албохчанаькъан Абдуллаха, Хамхой Зейта шоллагӏа моттиг яьккхар, Мартазанаькъан Мухьамада - кхоалагӏа моттиг.
Шоллагӏча даькъ тӀа: Молорой Джамала, Тӏоаршхой ИбрахӀима хьалхара а шоллагӏа а моттигаш яьхар, Дибаранаькъан Адамеи Мухьаммадеи - хьалхара моттигаш, Хамхой Зубейрас шиъ дошо майдилг яьккхар.
Тренера белгалдир, ше хьехаш болча спортсменаша шоаш дика кийчо яь хилар гойтар, цунца лакха говзал йолга а гуш хилар. Цо доааккхал ду цар даьхача толамех; цо иштта белгалдир, даим къахьегар бахьан долаш, уж даха таро хилар.
Спортивни хьехамчас иштта дийцар ше тешаш хиларах; цар кхы дӀахо а лакхара толамаш доахаргда, аьнна. Тренера, спортсменаша шоашта хьалхашка доккха декхараш оттаду: спортивни говзал дегӀайоалаяр, даим тренировкаш дӀахьош, шоай яхьий боарам совбоаккхаш хила. Из гуш хургда цу тайпарча яхьашка.
