Бокъонаш лораераша Шолже лаьцар клефедрон молхаш лелаю вахархо
Россе МВД «Сунженский» МО болхлоша, иштта ГӏалгӀай Республике гӀолла йолча Шолжа-Шахьара наркотикаш лелаяра тӀехьахьажара йолча урхаллено, чухьежачул тӀехьагӀа, мехка вахархочунгара «клефедрон» яха наркотикаш лаьцар. Из хоам «Сердало» газетага бу бокъонаш лораераша.
«Тешам байна вола саг зийра бокъонаш лораераша, из гӀаш Эбарга-Юрта ваха эттача. Цига цун спортивни тӀормига чура корайир 503 капсула лелае могаеш йоаца молхаш чуйола пластмасса банка, 4,58 грамм наркотически «4-СМС» (клефедрон) молхаш, из яр наркотически «эфедрон» (меткатинон) оала молха», - аьлар хоамо.
Бокъонах ца йоагӀаш наркотикаш лелаярах, из административни бехктокхаме эзар РФ КоАП 6.9 статьях, из хӀанз укх сахьате лаьца воалл. Цул совгӀа, Россе МВД «Сунженский» МО тохкама отдела цунна духьала уголовни гӀулакх хьадийллар РФ УК 2 д. 228 статьях.
