ИнгГУ студент ийсазлагӏа котваьлар боксёрий яхье
Гӏалгӏай паччахьалкхен университета «Географе, БЖД» даькъ тӏа дешаш волча Тоаркхой Ибрахӏима ший ийслагӏа котало яьккхар Краснодаре дӏахьош хиннача боксерий яхьашка. Цо гойтар лакха говзал, иштта ийсазлагӏа котваьлар – 9 котало, 0 - эшар, 8 - нокауташ йолаш.
«Оаха доаккхал ду Ибрахӏимах, иштта лов керттера дунен лакха цӏи цо яккхар», - аьлар «Сердало» газетага ИнгГУ.
Ибрахӏимца латаш вар цӏи йола, дика кийчо яь вола спортсмен - Гӏуозлой мехка чемпион Ниджат Хасанов. Бакъда гӏалгӏай спортсмена тешшаме тӏахьожам лоаттабир ше деча хӏаманна, шийна хетар хьалхарча миноташка денз чакхдоаккхаш. Тоаркхой Ибрахӏима нийса дӏахьоча латарах, бий ший боарамах тохаш хиларах, технически нокаут йолаш латар чакхдаьлар.
Ибрахӏим котвоалаш хилар къаьгга гуш дар, цудухьа цунца латаш волчун тешаша лаьрхӏар, 7-гӏа раунд дӏайолалуш, боксёра могашал лорае.
