ИнгГу студента, СКФО самбох йола хьалхале къайсача, дото совгӏат даьккхар
Гӏалгӏай паччахьалкхен университета студента Гадаборшанаькъан ӏимрана гойтар Къилбаседа Кавказа федеральни куран самбох йолча яхьашка ше дика кийчо яь хилар. Цо дото совгӏат даьккхар 71 кг дозал долчарна юкъе. Яхьаш дӏахьош яр «Шали» оалача Физкультурно-спортивни комплекса даькъ тӏа, цига дар лакхача боарам тӏа яхьаш дӏаяхьара вӏашагӏдехка хьалаш.
«ӏимрана баьккха толам котало хинна ӏац, из ерригача Гӏалгӏайчен а, дикача дешара моттига а спортивни даькъ тӏа боаккхаш бола лоархӏаме гӏа ба. Дото майдилг яларо таро лу вай студента лакхара кийчо яь хилар чӏоагӏде, иштта цо яьккхар Россе хьалхале дӏахьоча вахара йола бокъо, из дӏаяхьа лерхӏаш я 2026 шера Казане», - аьлар «Сердало» газетага Гӏалгӏай паччахьалкхен университете.
Студента Гадаборшанаькъан ӏимрана толам хьагойташ ба академически дешар а спорта даькъ тӏа доаха толамаш а цхьана тарлуш хила йиш йолга.
