Эскаре амал дарах дийцар СКТЭКа студенташта
Чуранаькъан Х.Т. цӏерах йолча Къилбаседа Кавказа доагора-энергетичски колледжа студенташта эскаре амал де бахарах дийцар тахан. Магӏалбика кхален администраце кулгалхочун гӏонч Мержой Исраил, колледжа кулгал ду Чуранаькъан Мустафа, тӏема комиссариатера болхло Йовлой Мухьмад-Башир бар кхетаче гулбеннараш. Эскаре амал дарца дувзаденна мел долча кагирхой хаттарашта жоп делар цар.
«Эскаре амал де ваха ха кхаьчачо де дезар хьалхадаьккхар кхетаче, иштта малагӏча бахьанаша цу гӏулакхах мукъавоалийт белгалдир. Иштта йола кхетаченаш кагирхошца каст-каста дӏакхухьаш я. Моллагӏа хаттар тахка, дашха аьттув хул хьакимашка гӏолла», - дийцар «Сердалога» Магӏалбика кхален администраце.
Белгалде деза, иштта гулбалар вай къонача тӏехьенна лоархӏаме долга, эскаре баха ха кхаьчарашта ховргда шоай малагӏча хӏаманга кийчо е еза.
