ИнгГУ студпрофкомо, гӏо дераша дегӏа могашал эшаеннача берий дог хьаьстар
Гӏалгӏай паччахьалкхен университета студенчески профсоюза доакъашхоша, «Дика гӏулакхаш» яхача гӏо деча оагӏонца Лохерча Ачалкхерча дегӏа могашал эшаеннарий ишколе ухача берий дог хьаста лаьрхӏар цхьацца совгӏаташца. Тайп-тайпара мерза даараш, совгӏаташ денадар цар берашта. Гуш дар, цу совгӏаташа, ловзоргаша, книжкаша берий дегашта боккха тоам баьлга.
«Иштта чӏоагӏа бер гӏаддахийтарах, дукха хӏама дӏадала мегаргда. Къаьстта доккха баркал ала лов университета хьехархошта, студенташта. Уж иштта кадай ца хьайзача вӏаштӏехьадаргдацар из гӏулакх.
Берий дегашта ханахьа дицлургдоацаш доккха дика да из», - дийцар «Сердалога» ИнгГУ студпрофкоме. Вай мехкарча студентий оагӏув, республикан вахара оагӏонца дакъа лоацаш, гӏо эшараш теркалбе, могаш дола новкъостал де хьожаш хьабоагӏа.
