Эскара тӏалатача бӏухоша-гвардейцаша баркал аьлар, шоаш хьаллаьцача Гӏалгӏайчен бахархошта
Авдеевкерча 33-ча Гвардейски полка 20-ча Гвардейски мотострелкови бӏу латтачара баркал оалаш дешаш дайтар, Гӏалгӏайчера гулбаь гуманитарни мухь бахьийтарах Из хоам бу «Сердало» газетага Халкъа фронта моттигерча исполкомо.
Бӏухоша баркал аьлар шоаш республикан бахархоша хьаллацарах, президента болама хьинар дарашта. Цар иштта хоам бир, шоашта дӏа мел яхьийта хӏама балха юкъеяьнна хиларах, тӏема декхар кхоачашдеча уж эшаш хиларах.
Рацеша ӏалашо лоаттаю тоабашта юкъера болх лелабеча даькъ тӏа, генератораш гӏирсашта зарядка еш эш, цхаралаша бола моттиг хьулаю. Иштта эшаш дар тӏема даькъ тӏа кхачан даараш а.
«Баркал шоана тхо диццадарах. Моастагӏа эшавергва, котало вайгахьа хургья!» - лоацца, дег чура аьлар бӏухоша.
Вай бӏухой лаьрххӏа йола операци дӏахьош хьаллацар бахьан долаш, царна хоалуш да шоашка хьежаш, уж биц ца беш вай хилар.
