Шолже бахача наха ӏаьдалгара дийхар, урамашка кӏур латташ хилара бахьан тахка
Шолжерча бахархоша ӏаьдалгара дийхар, урамашка кӏур латташ, во хьадж йоагӏаш хилара бахьан тахкар, яхаш, хоам бу «Сердало» газетага шахьара мэре.
Бахархой лоткъама тӏехьа дӏабихьача тӏахьожама балха гуш хилар, хӏара денна сайрийна 18 сахьат даьнначул тӏехьагӏа, Шолжа даькъ тӏарча Ӏалбаканаькъан цӏерагӏча кхален керттерча дарбанче нувхаш йоагаеш хиларах чӏоагӏа кӏур а хьадж а латташ хилар. Мэре болхлой цу даькъ тӏа хинначул тӏехьагӏа, из иштта хилар белгалдир. Уж кхоачамбоацараш далийтарах, лоткъам оттабаьб, хӏаьта бехктокхаме бараш жоп дала дезаш ба цу гӏулакхах.
«Шахьара администраце баркал оал бахархошта, цар сакхетам лакха хиларах. Хӏара кхайкарал теркон юкъе да, из дика кӏийле я шахьара бахархой хьашташ сиха кхоачашдара», - аьлар мэре.
