Магӏалбике лаьттача тӏема сурт гойтар Шолжа-Шахьарерча № 4 йолча ишкола дешархоша
«Тӏема-исторически сурт: истори довзийтар» яхача Ерригача Россе яхьашка хьалхабаьннарашта юкъе я тахан Шолжа-Шахьарера Россе Турпала Келаматанаькъан Ӏалихана цӏи лелаеш йола ишкол № 4. «Цаӏ йолча Россе» «Исторически дагалоаттам» яхача партийни проектага гӏолл, дӏахьош болх ба из. Россе дешареи ӏилмани гӏулакхех йолча Министерствос хьаллоацаш, «Вай Котало» яха комитет я цу гӏулакха хьалхаэттар.
Дакъа лоацаш хиннача ишколай музеяшта, колледжашта, вузашта хьалхашка эттар лоархӏаме, доккха декхар дар. Тӏема моттигаш гойтача оагӏонца, Россе тӏема истори довзийта дезаш бар уж. Яхьа балха юкъе дар Xӏӏӏ-XӏX бӏаьшерашка хинна тӏемаш, Дунен хьалхара тӏом оттале 1812-ча шерара тӏом, Сийлахь-боккха Даьймехка тӏом, иштта таханара тӏема операци.
Шолжа-Шахьарерча къонача мохктохкараша кийчбаьбар Сийлахь - боккхача Даьймехка тӏема шерашка, Магӏалбик моастагӏчун кара ца кхоачийташ баьча тӏема исторех бола болх. Даькъастен хӏама лорадеш лаьттарий сий хьаллоацаш, макета тӏа дукха хӏама ӏотӏадуллаш, къахьийгадар къонабараша.
Мехкарча Къаман фронта доакъашхоша – республикан штабе къахьегача Бохтаранаькъан Мадинас, Муружанаькъан Мухьмада, доккха баркал оалаш, даькъалабийцар дешархой, хьехархой цу толамца.
Хьаьший хьежар ишколерча музея кхоачамга, Магӏалбике фашиста яьча духьаленах болча яхьа балхага. Даьхен хӏама лоархӏаш, исторецара бакъдар хьаллоацаш, хьинаре къахьийгача дешархошта, иштта царна хьалха лаьттарашта доккха баркал кхайкадир цар.
