Ерригача Россе яхьашка, котало яьккхар СВО веннача бӏухочун воӏа
«Турпалаш дагалоаттабергба» яхача Ерригача Россе яхьашка котало яьккхар тӏема аренашка вахар хаьдача Шолжа-Шахьарерча СВО доакъашхочун воӏа Гуражанаькъан Абдуллахӏа. Из хоам «Сердалога» бир шахьара мэре зарбан болх лелабеча Батиганаькъан Хьавас. «Илдарха-Гӏалий тӏарча № 5 йолча ишколе дешаш вола кӏаьнк дикка белгалваьлар, «Халхар» яхача оагӏонца. Из бахьан долаш, Ерригача Россе «Орлёнок» яхача берий салоӏача моттиге ваха аьттув баьлар цун.
Тӏема аренашка вахар хаьдача бӏухой берашта юкъера яхьаш биъ оагӏонца дӏахьош яр, хӏара оагӏонцара дикагӏа белгалваьнна 15 саг хьахоржаш. Абдуллахӏ массане зувш, лакха говзал гойташ, чакхваьлар цига. Шолжа-Шахьарен мэр волча ӏумаранаькъан Аслана дӏахойодача хана а иштта толамаш даха даькъалавийцар кӏаьнк, ше волча хьавийха»,- дийцар тха газетага.
