Шолжа-Шахьарерча СВО веннача доакъашхочун воӏ «Орлёнок» яхача салоӏча оагӏон доакъашхо хилар
Краснодарерча «Орлёнок» яхача Ерригача Россе берий cалоӏача моттиге ваха хилар тӏема аренашка вахар хаьдача бӏухочун Гӏуражанаькъан Абдуллахӏа кӏаьнк. Цига дӏайихьай «Турпалаш бицбергбац» яха тематически кхетаче.
Илдарха-Гӏалий тӏарча культуран Цӏагӏарча «Тӏаргам» яхача берий ансамбла доакъашхо 60 дешархошта юкъе ший начӏал дӏагойташ хилар. Йоккхача яхьий «Халхар» яхача оагӏонца котало яккхарах, кхаьчаб цунга из кхадж. Кхаь кӏира «Орлёнка» къона хьаьший дешара, кхоллама программаш йовзаш хилар. Царца дӏайихьар экскурсеш, иштта спорта, тематически кхетаченаш, гойтама балхаш.
Деррига йистедоалача дийнахьа доккха концерт эттар цу доазон тӏа. Тайп-тайпарча оагӏонашцара шоай начӏал дӏагойташ, Даьхен хетаяь литературни номераш йовзийташ хилар дог ураэтта бераш. «Баркал хилда «Орлёнка» иштта хоза тӏаэцарах, берий дегашта тоам барах; «Даьхен лорабой» яхача ганзо цига дакъа лаца гӏо дарах, оагӏув хьаллацарах баркал хилда. Берашта атта дицлургдац уж денош», - дийцар Абдуллахӏа нанас Заретас.
«Даьхен лорабой» яхача ганза болхло волча Оздой Муслима белгалдечох, вай бераш – вай кхоане, из кхетадеш, цар оагӏув хьаллоацаш, нийсача наькъ тӏа боахаш, цар бера ха иразе дӏаяхийта хьожаш къахьега деза вай.
