Телесюжето дийцар ГӏалгӀайче цӏийоацара дарба дарах малагӀа пайда лу
ГӏалгӀайчен унахцӀенон Министерствон телеграм-оагӏонга белгалдир, ГТРК «ГӏалгӀайче» яхача хоамашка, бахархошта гойта хилар Республикански онкологический диспансере беш бола болх, яхаш, дийцар «Сердало» газетага цу боахаме.
«Гойтама материала тӀа хьагуш да цу урхаллен малагӀа таронаш я, унахо лорашка чакхваккхара хьалаш, иштта ший ханнахьа онкологи йий хара дӀахьош бола болх миштаб», - аьлар вахара лоархӀамеча хоамо.
УнахцӀенон говзанчаша хьалхадоаккх, дукхагӀа дола лазараш дий ца ховш хул сага. Цудухьа шоай ханнахьа лорашка чакхбоалаш хилар эшаш да. Наха из нийсагӀа йола оагӀув лелаеш хилча, цар таро хургья ший ханнахьа лазар хьалаца а цун дарба де а.
Карарча хана, республикански онкологически диспансере лакха говзал йола лораш ба, лазар довзийташ дола вай заман гӏирсаш леладу цига.
Хӏара саг ший могашал лорае декхарийла ва, каст-каста лорашка водаш.
