Наьсарерча ИРКБ юхера моттиг тоаеш боахк болхлой
28.04.2026 10:03
Республикерча клинически дарбанчен юхера моттиг тоаеш, куц эргадоаккхаш боахк тахан болхлой. Из хоам «Сердалога» бир Наьсарерча администраце.
«Шахьара да вола Оздой Руслан ше хьежавар цу моттигага. Боаггӏача боараме из доазув меттадоаладе аьнна тӏадиллар цо. Наха, иштта дарбанче къахьегаш барашта паргӏато еш хила деза цигарча моттига хьал», - дийцар тхога мэре болхлоша.
Таханарча дийнахьа хоза баьццаръерзаяьй цигара моттиг, машинаш хьачуухача оагӏонца сиха оарцагӏъухарий машин ӏоувттае доазув къоастадаьд, тоабеш латт гӏашлой никъ, иштта кхыдола балхаш а да чакхдаха дезаш.
Беррига болх чакхбаьккха баьлча, боагг1ача боараме тоаяь моттиг хургья цох.
