Австрале йийллача чемпионате котало яьккхар вай мехкарча тхэквондиста
22.06.2026 09:37
Халкъашта юкъерча тхеквондох йолча Австрале йийллача чемпионате котало яьккхар вай мехкахочо Яхьяевгӏар Билала. Из хоам «Сердалога» бир Минспорта зарбан болх лелабераша.
Укх бетта 19-ча денгара 20-ча денга кхаччалца Австралерча Голд-Кост яхача шахьаре хилар яхь. Российски гулъяьча тоабанцара Билал 80 кг дозал дарашта юкъе белгалваьнна, эггара лакхерча лагӏа тӏа эттар.
2028-ча шера дӏадахьа лерхӏача Олимпийски ловзарашта юкъе дакъа лацара гаргагӏа хилар вай мехкахо цу толамца. Австрале йийллача чемпионате дакъа лоацаш хилар чӏоагӏа лоархӏаме дар спортсменашта», - йоах тхога бенача хоамо.
Хьалхагӏа оаха тхоай газетага гӏолла хоам баьбар Яхьяевгӏар Билал тхэквондо Дунен Федераце Президента Кубок – Океани 2026 къайсача белгалваьннав аьнна.
